شاطره يادنيا برافو عليكى متتغلبيش .. بقلم جومانا

زائر

شاطره يا دنيا ... برافو عليكي

متتغلبيش

مهما صاحبتك تفضلي دنيا متتصاحبيش

مره زمان سلمتك قلبي

دستي عليه وزماني لعبي

يومها ضحكتي عليه وقلتي:

ارضي بقدرك ما تعانديش..!

يوم ورا يوم والدمع بيرسم

حلم صغير بس جديد

وانا مش سائله وخايفه اخطي

لحسن خطوي يا خدني بعيد

بس الحلم جمالو نداني

طبعا مهو مقسوم يلقاني

قلت النوبه راح اخد بالي

صابت والله ومش هطيش..!

وسكرت من الفرحه وكاسي

كان متعبي بايدي وياين

كل وشوش الناس ضاحاكالي

معرفتش صاحب من خاين

فجأه لقيتني في نفس معادي

قلبي وحيد ويا الكاس فاضي

فين الحلم يا دنيا وفينهم ...؟

قالت هس متسالنيش...!

لما ضحكت عليكي في مره ...

قلت أهو درس وغيرو مفيش

بكره القلب الطيب يكبر ...

انتي ازاي متعلمتيش؟؟!!!

سيبتي الحلم يشدك ليه

عقلك تاه م اللهفه عليه

اللي بياخد انو بياخد

يبقى دا حقه ومبيديش...!

الزرعه المزروعه هتعيا

لو كف لوحدها ترويها

والصاحب بيصاحب لكن ....

مش ديما يقدر يداويها...!

قلت: كلامك صح يا دنيا

انتي كسبتي الجوله التانيه

وانا دلوقتي عرفت طريقي

وازاي ممكن حلمي يعيش...!

مش هسمح للقلب ياخدني ...

ناحية حلم ميرحمنيش

ولا هرضى بصاحب ميصنشي ...

ويروح في التوهه وميجيش..!

وانتي يا دنيا هتفضلي دنيا

برافو عليكي..........

متتغلبيش.......!!!

روعة يا حمادة

زائر

مرسى ياميسور على المرور

زائر

تسلم ايدك

زائر

تسلم على المرور ياغالى نورت الموضوع